Barcelona mposhti Vilarealin 4:1

Fitorja si skuadër mysafire kundër Vilarealit me rezultat 4:1, Barcelonës i siguroi pozitën e parë të tabelës në “La Liga” me 90 pikë, katër pikë më shumë se Reali i Madirid, por që kjo e fundit ka një ndeshje më pak.

Barcelona kaloi në epërsi përmes argjentinasit Lionel Mesi, në minutën e 18-të. Golin e dytë për Barcelonën e shënoi Xavi në minutën e 34-të të ndeshjes. Tre minuta para se të përfundoi pjesa e parë e ndeshjes, Bojan Kerkiç shënoi në portën e Vilarealit për të ngritur epërsinë e Barcelonës në 3:0.

Në pjesën e dytë, sulmuesi i Vilareait, Joseba Lorente, shënoi në portën e Barcelonës për rezultatin 3:1.

Dy minuta para përfundimit të ndeshjes, Lionel Mesi, shënoi golin e tij të dytë në ndeshje dhe të katërtin për Barcelonën për t’i siguruar klubit të tij tri pikë të vlefshme që i siguruan pozitën e parë të “La Ligas”./KNN/