Gjashtë astronautë nisin udhëtimin imagjinar

Duhet të stimulojnë udhëtimin më të gjatë në hapësirë, deri në zbritje në planetin Mars, për të eksperimentuar efektet psikologjike, që mund të shkaktojë ky udhëtim. Në periferi të Moskës, 6 astronautë janë mbyllur sot në orën 12.00 (14.00 me orën në Moskë), në një sportel për 250 ditë.

Tre prej astronautëve, do të bëjnë sikur eksplorojnë planetin e kuq për një muaj dhe më pas “anija” një sallë 180 metra katrorë, me shërbimet më minimale ato për mbijetesë, do të niset (gjithmonë kinse) drejt tokës, në një udhëtim prej 240 ditësh.

I gjithë ky udhëtim do të zgjasë 520 ditë, gjatë të cilave, astronautët nuk mund të kenë asnjë kontakt me familjarët dhe miqtë e tyre. Astronautët janë një francez, një kinez, një italian dhe 3 rusë.

Stimulimi nuk mund të shpejtojë kohën e vërtetë të udhëtimit në Mars, i parashikuar pas të paktën 30 vitesh dhe as të shkurtojë distancat mes orbitave të planetit të kuq dhe tokës, të cilat variojnë nga 55, në mbi 400 milionë kilometra./Balkanweb/KNN