Bajerni bën ankesë për Riberin

Finalistja e “Ligës së Kampionëve” në sezonin e sivjetmë, Bajerni i Munihut, ka bërë një apel UEFA-s për heqjen e dënimit të Frank Riberit.

Mesfushori francez, Frank Riberi ishte ndëshkuar në ndeshjen e parë që Bajerni ka zhvilluar kundër Lionit në stadiumin “Alianz Arena” , të Munihut më 21 prill.

"Bajern Munih nuk mund të pranojë këtë verdikt në asnjë mënyrë dhe e dimë që ajo është plotësisht gabim. Riberi asnjëherë nuk mund të bëjë me qëllim ndonjë përpjekje që të lëndojë lojtarin kundërshtar", shkruhet në apelin e Bajernit drejtuar UEFA-s.

Zyrtarë nga skuadra e Bajernit të Munihut kanë thënë se ata nuk e pranojnë vendimin e UEFA-s lidhur me suspendimin e Riberit me tri ndeshje dhe se ata do të përdorin të gjitha mënyrat legale në dispozicion të klubit kundër atij vendimi. KNN